#Универзитет

За Нас

Кои сме ние

Универзитетот Кочо Рацин Скопје е основан 1953 година под називот Работнички универзитет Кочо Рацин и на овие простори е прва и најголема образовна институција во областа на неформалното образование. За 70 годишното постоење на Универзитетот, низ разните образовни форми и разни стручни предавања, семинари и трибини од економско – политичкиот и културниот живот, поминале 876.000 посетители.

Со донесување на законот за Отворени граѓански универзитети за доживотно учење во 2011 година, Работничкиот универзитет Кочо Рацин Скопје се преименува во Отворен граѓански универзитет за доживотно учење.

Нашата мисија е да обезбедиме квалитетно и достапно образование за сите граѓани, без разлика на возраст, социјален статус или претходно знаење. Ние веруваме дека секој има право на образување и можност за личен и професионален развој преку стекнување нови вештини и знаења. Постојано се стремиме да ги подобриме нашите програми и методологии за да одговориме на потребите на пазарот на трудот и да ги оспособиме нашите слушатели за успешна кариера.

Нашата визија е да бидеме водечка институција во областа на доживотното учење и неформалното образование во регионот. Се стремиме да создадеме заедница на ученици кои ќе бидат инспирирани да продолжат да учат и да се развиваат во текот на целиот свој живот. Преку иновативни и актуелни образовни програми, сакаме да придонесеме кон економскиот и социјалниот развој на нашата заедница и да помогнеме во создавањето на квалификувана и конкурентна работна сила.

  • Промоција на доживотното учење: Се залагаме за култура на континуирано образование и професионален развој.
  • Професионален развој и обука: Нудиме широк спектар на курсеви и обуки, како што се програмирање, фризура, шминка, масери и јазични обуки, за да ги оспособиме нашите слушатели за модерните предизвици на пазарот на трудот.
  • Квалитетни и достапни програми: Работиме со верификувани и неверификувани програми кои се прилагодени на потребите на нашите ученици и на пазарот на трудот.
  • Инклузивност и достапност: Се стремиме да обезбедиме пристап до образование за сите, вклучувајќи ги и маргинализираните групи и лицата со посебни потреби.

Нашите Програми

Основна дејност на ОГУДУ КОЧО РАЦИН е организирање курсеви преку верификувани програми од страна на Центарот за образование на возрасни и Министерство за образование на Република Северна Македонија за следните занимања:

  • масери
  • козметичари
  • фризери
  • шминкери
  • декоративен маникир
  • фитнес инструктор
  • негувател/ка на возрасни лица
  • ракувач со апарати за заварување
  • ракувач со CNC машини
  • ѕидар

Универзитетот Кочо Рацин исто така организира курсеви и обуки за многу занимања и струки со неверификувани програми. Традиционално најзастапени се курсевите за странски јазици: англиски, германски, француски, шпански и италијански јазик.

Со успешно завршување на курсот, слушателите добиваат Сертификат, кој им помага да ги зголемат своите можности за вработување и професионален развој.

Курсеви Обуки
Scroll to Top